عێراق؛ سەرجەم هێزە سەربازییەکان خرانە حاڵەتی ئامادەباشیی و بارەگای کۆنترۆڵ لە جرف سەخر پێکدەهێنرێت
  2026-11-19     

سەرچاوەیەکی ئەمنی ئەمڕۆ پێنجشەممە ئاشکرای کرد، عەلی فالح زەیدی، سەرۆکوەزیران و فەرماندەی گشتیی هێزە چەکدارەکانی عێراق، فەرمانی کردووە بە خستنەحاڵەتی ئامادەباشیی "ج" بۆ سەرجەم یەکە سەربازییەکان، کە لە ئێستاوە دەچێتە بواری جێبەجێکردنەوە تا ئاگادارکردنەوەیەکی دیکە.

ئاوێنە: ​سەرچاوەکە بە میدیای "سۆمەرییە نیوز"ی ڕاگەیاندووە، ئەو فەرمانە سەربازییە هاوکات بانگهێشتکردنەوەی سەرجەم ئەو کارمەندانەش دەگرێتەوە کە لە ئێستادا لە مۆڵەتدان.

​لە لایەکی دیکەوە، عەلی فالح زەیدی، فەرماندەی گشتیی هێزە چەکدارەکان، فەرمانێکی دیوانیی دەرکردووە بۆ پێکهێنانی بارەگایەکی کۆنترۆڵ لە ناوچەی جرف سەخر، کە ئەرکی سەرکردایەتیکردن و کۆنترۆڵکردنی سەرجەم ئەو یەکە ئەمنییانە دەگرێتە ئەستۆ کە لە چوارچێوەی سنووری کارگێڕیی ناوچەکەدا ئەرکیان پێ سپێردراوە. بەپێی فەرمانەکە، ئەم بارەگایە لە کاتژمێر ٦:٠٠ی بەیانیی ڕۆژی ٢٠ی تشرینی دووەمی ٢٠٢٦ەوە دەست بە کارەکانی دەکات.

زۆرترین بینراو
© 2026 Awene Online, Inc. All Rights Reserved.
×