شاندی هەرێمی کوردستان و لایەنە پەیوەندیدارەکانی عێراق لەسەر کێشەکانی گومرگ و دەروازە سنوورییەکان کۆدەبنەوە.
بڕیارە ئەمڕۆ شاندی هەرێمی کوردستان لەسەر کێشە و گرفتەکانی پەیوەست بە گومرگ و دەروازە سنوورییەکان لەگەڵ لایەنە پەیوەندیدارەکانی بەغدا کۆبێتەوە.
شاندی هەرێمی کوردستان پێکهاتووە لە ڕێبەر ئەحمەد، وەزیری ناوخۆ و ئاوات شێخ جەناب، وەزیری دارایی و بەڕێوەبەری گشتی گومرگ و دوێنێ شەو گەیشتنە بەغدا.
پرسی گومرگ و داهاتی دەروازە سنوورییەکان بەشێکن لەو گرفتانەی کە تا ئێستا بە چارەسەرنەکراوی لە نێوان هەرێمی کوردستان و حکومەتی عێراقدا ماونەتەوە.