حكومەتی هەرێمی كوردستان رایگەیاند، بۆ رۆژانی پشوی جەژنی رەمەزان ئامادەكاریی ئەمنیی توندوتۆڵ كراوەو هەروەها سەرجەم هێزەكانی بەرگریی شارستانی لە تەواوی هەرێم خراونەتە حاڵەتی ئامادەباشی.
ئاوێنە: حكومەتی هەرێمی كوردستان، ئەمڕۆ شەممە، لە راگەیەندراوێكدا ئەوەشی وتوە"بەبۆنەی هاتنی جەژنی رەمەزانی پیرۆز و پشوەکانی ئەم جەژنە لە رێکەوتی 29/3/2025 تاکو 5/4/2025 سەرجەم هێزەکانی بەرگریی شارستانی لەتەواوی هەرێمی کوردستان خرانە حالەتی ئامادەباشی بە مەبەستی پاراستنی سەروماڵی هاوڵاتییان و جێبەجێکردنی پلانی جەژنی رەمەزانی پیرۆز."
ئەوەشی خستۆتەڕو، لە ماوەی رۆژانی پشوی جەژندا سەرجەم بنکەکانی ناوشار و دەرەوی شاری هێزەكانی بەرگریی شارستانی لە ئێشکگری تەواودا دەبن و تیمی گەڕۆک بەردەوام دەبن لە شوێنە گشتییەکانی ناوشار و بازاڕەکان.
هێمای بۆ ئەوەش كردوە، بە هەماهەنگی لەگەڵ دیوانی پارێزگاکان و دەستەی گەشتوگوزار، ناوچە گەشتیارییەکان تیمی گەڕۆکی لێ جێگیر دەکرێت بۆ پاراستنی گەشتیاران.