سوپای ئیسرائیل ناوەندی سوریای کردە ئامانج و زیاتر لە 20 هاوڵاتی مەدەنی بوونە قوربانی.
ئاوێنه: ئاژانسی هەواڵی سوریا بڵاویکردەوە: لە ئەنجامی هێرشەکانی سوپای ئیسرائیل ئاگر لە نزیک شاری مەسیاف لە رۆژئاوای حەما کەوتووەتەوە و پێنج کەس گیانیان لەدەستداوە، هەروەها نزیکەی 20 کەسی دیکەش بریندار بوون.
سەرجەمی قوربانییەکان هاوڵاتی مەدەنیین و هێرشەکان لە سنووریی ئاسمانی لوبنانەوە ئەنجامدراون و بەشێک لە مووشەکەکان لەلایەن سیستمی بەرگری ئاسمانی سوریاوە بەرپەرچ دراونەتەوە.
سوپای ئیسرائیل بانگەشەی ئەوە دەکات هێرشەکان بۆ سەر ناوەندێکی سەربازی ئەنجامداوە کە تیایدا مووشەک و تەقەمەنی بەرهەمهێنراوە.