له خولی یه‌كه‌می هه‌ڵبژاردن بۆ سه‌رۆكی گشتی پارتی گه‌لی كۆماری توركیا كه له 38مین كۆنگره‌ی گشتی پارته‌كه‌دا به‌ڕێوه‌چوو، هیچ كاندیدێك نه‌یتوانی ده‌نگی پێویست به‌ده‌ست بێنێت و هه‌ڵبژاردنه‌كه بۆ خولی دووهه‌م دواخرا.
خولی دووهه‌می ده‌نگدان له كاتژمێر 12:30خوله‌كی به‌ره‌به‌یانی ئه‌مڕۆ ده‌ستی پێكرد و تا 2:30 خوله‌كی خایاند.
له ئه‌نجامدا ئۆزگور ئۆزه‌ل به به‌ده‌ستهێنانی 812 ده‌نگ به سه‌رۆكی گشتی جه‌هه‌په هه‌ڵبژێردرا و له ده‌نگدانه‌كه‌دا كه‌ماڵ كڵچدار ئوغڵو 532 ده‌نگی به‌ده‌ست هێنا.
به‌و پێیه ئۆزگور ئۆزه‌ل په‌رله‌مانتاری مانیسا بووه هه‌شته‌مین سه‌رۆكی گشتی پارتی گه‌لی كۆماری توركیا "جه‌هه‌په".
دوای 13 ساڵ له سه‌رۆكایه‌تیكردنی پارته‌كه‌ی، كه‌مال كڵچدارئۆغڵو له 38ـه‌مین كۆنگره‌ی پارتی گه‌لی كۆماری (جه‌هه‌په) شكستی هێنا و سه‌رۆكایه‌تی پارته‌كه‌ی له‌ده‌ست دا.