سه‌رۆكی حكومه‌تی هه‌رێمی كوردستان له‌هه‌ولێر پێشوازی له سه‌رۆكی ده‌سته‌ی حه‌شدی شه‌عبی كرد و جه‌ختیان له هه‌ماهه‌نگی ئه‌منی كرده‌وه.
ئاوێنە: ماڵپه‌ڕی فەرمی حكومه‌تی هه‌رێمی كوردستان رایگەیاند "ئه‌مڕۆ سێشه‌ممه ١٤ی کانونی دووەم مه‌سرور بارزانی، سه‌رۆكی حكومه‌تی هه‌رێمی كوردستان، پێشوازی له فالح فه‌ییاز، سه‌رۆكی ده‌سته‌ی حه‌شدی شه‌عبی كرد".
لەبارەی ناوەڕۆکی کۆبونەوەکە ئاماژە بەوەشکراوە، له كۆبوونه‌وه‌كه‌ی مه‌سرور بارزانی و فالح فه‌ییازدا، گفتوگۆ له‌باره‌ی دوایین پێشهات و گۆڕانكاری و دۆخی گشتیی عێراق و ناوچه‌كه كرا و جه‌خت له گرنگیی په‌ره‌پێدانی هاوئاهه‌نگیی ئه‌منیی له‌نێوان هه‌رێمی كوردستان و حكومه‌تی فیدراڵ له پێناو پاراستنی ئاسایش و سه‌قامگیری كرا.