وه‌فدێكی باڵای پارتی دیموكراتی كوردستان و به‌ره‌ی گه‌ل له شاری هه‌ولێر له كۆبوونه‌وه‌دان بۆ تاووتوێكردنی چه‌ند پرسێك به پێكهێنانی كابینه‌ی نوێی حكومه‌تی هه‌رێمی كوردستانیشه‌وه.
ئاوێنە: میدیای نزیک لە حزبی بەرەی گەل بڵاویکردەوە، كه‌مێك له‌مه‌وبه‌ر وه‌فدێكی باڵای پارتی دیموكراتی كوردستان سه‌ردانی به‌ره‌ی گه‌لیان له شاری هه‌ولێر كرد و ده‌ستیانكرد به كۆبوونه‌وه.
ئەوەش خراوەتە روو، وه‌فده‌كه‌ی پارتی پێكهاتوون له هۆشیار زێباری، پشتیوان سادق و ئومێد سه‌باح و وه‌فدی به‌ره‌ی گه‌لیش پێكهاتوون له لاهور شێخ جه‌نگی، سۆران جه‌مال تاهیر، شادمان مه‌لا حه‌سه‌ن و ژینۆ محه‌مه‌د.
به‌پێی زانیارییه‌كان، له كۆبوونه‌وه‌كه‌دا هه‌ردوولا تاوتوێی پێكهێنانی كابینه‌ی نوێی حكومه‌تی هه‌رێم، په‌یوه‌ندییه‌كانی هه‌ولێر و به‌غدا و گۆڕانكارییه‌كانی ناوچه‌كه ده‌كه‌ن.