وەزیرێکی ئیسرائیلی رایدەگەیەنێت یەکێک لە گریمانەکانی بەردەم ئیسرائیل خستنەخوارەوەی بۆمبی ئەتۆمییە لە کەرتی غەززە.
عمیحای ئیلیاهۆ وەزیری شوێنەواری ئیسرائیل لە چاوپێکەوتنێکدا پرسیاری ئەگەری بەکارهێنانی چەکی ئەتۆمی لێدەکەن لە دژی فەلەستین و لە وەڵامدا دەڵێت، یەکێک لە بژاردەکانی بەردەممان خستنەخوارەوەی بۆمبی ئەتۆمییە لە کەرتی غەززە.
هاوکات لە وەڵامی ئەو وەزیرەی وڵاتەکەیدا بنیامین نەتانیاهۆ رایگەیاند، قسەکانی ئەو وەزیرە لەگەڵ واقعدا یەکناگرنەوە.
لە ئەنجامی هێرشەکانی ئیسرائیل بۆ سەر کەرتی غەززە تا ئێستا نۆ هەزار و 500 کەس گیانیان لەدەستداوە کە بەشێکی زۆریان ژن و منداڵن.