تەندروستی غەززە ئەمڕۆ شەممە، ئامارێكی نوێی قوربانیانی شەڕی راگەیاندو دەڵێت، تاكو ئەمڕۆ زیاتر لە 9 هەزارو 400 فەلەستینی كوژراون.
ئاوێنە: بەپێی راگەیەندراوێكی تەندروستی غەززە، لە 7ی مانگی رابردوه‌وه تا ئەمڕۆ لانیکەم 9488 فەڵەستینی کە سێ هەزار و 900 کەسیان منداڵ بون، کوژراون.
بەگوێرەی ئامارەكە تەندروستی غەززە، لە ماوەی چەند کاتژمێری رابردودا ئیسرائیل "10 کۆمەڵکوژی گەورەی ئەنجامداون و 231 کەس کوژراون."
هەر بەپێی راگەندراوەكە تاكو ئێستا زیاتر لە 23 هەزار کەسیش برینداربون.
ئەوەشی خستۆتەڕو، دو هەزار و 200 راپۆرتی بێسەروشوێنانمان پێگەیشتوە، لەنێویاندا هەزارو 250 منداڵ هێشتا لەژێر داروپەردودان."