وەزارەتی نەوتی عێراق، ئەمڕۆ پێنجشەممە، بڕی هەناردەو داهاتی نەوتی بۆ مانگی رابردو ئاشكراكردو دەڵێت، داهاتی نەوت لەو مانگەدا زیاتر لە حەوت ملیار دۆلار بوە.
ئاوێنە: وەزارەتەكە، لە راگەیەندراوێكدا، وتویەتی"بەپێی ئامارە سەرەتاییەكانی كۆمپانیای سۆمۆ، لە مانگی رابردودا، كۆی گشتی هەناردەی نەوت گەیشتۆتە 102 ملیۆن و 463 هەزارو 387 بەرمیل."
ئەوەشی خستۆتەڕو، داهاتی نەوتی هەناردەكراو لە مانگی رابردودا 7.306 ملیار دۆلار بوە.
بەگوێرەی راگەیەندراوەكە، تكێڕای هەناردەی نەوت لە رۆژێكدا 3 ملیۆن و 305 هەزار بەرمیل بوەو تێكڕای نرخی فرۆشتنی نەوتەكەش 71.30 دۆلار بوە.