نرخی نەوت، سەرلەبەیانی ئەمڕۆ هەینی لە بازاڕەكانی جیهان بەرزبونەوەی بەخۆیەوە بینی، ئەوەش لەدوای دابەزینی بەهاكەی بۆ سێ هەفتەی لەسەریەك.
ئاوێنە: بەپێی داتاکانی بازاڕی جیهانی نەوت، لە ئێستادا نرخی یەك بەرمیل نەوتی خاوی برێنت بە 73 دۆلارو 48 سەنت مامەڵەی پێوەدەكرێت.
هەروەها نرخی یەک بەرمیل نەوتی تەكساس بە 69 دۆلار و 44 سەنت مامەڵەی پێوەدەکرێت.
بەرزبونەوەی نرخی نەوت لەكاتێكدایە كە بۆ ماوەی سێ هەفتەی لەسەریەك بەهاكەی، بەهۆی نیگەرانی لە سستبونی ئابوری ئەمریكاو كەمبونەوەی خواستی چین لەسەر وزە، دابەزینی بەرچاوی بەخۆیەوە بینی.