رێڤەبەرێ گشتی وەبەرهینانێ ل دهۆكێ دیاركر ڤەكرنا پرۆژێن ڤی رەنگی دێ بیتە هاندەرەك بۆ پشت بەستن ب بەرهەمێ نافخۆی و دەلیڤێن كاری بۆ هاولاتێن هەرێمێ دابین دكەت.
ئاوێنە، وارهێل نێروەیی: كوردو ئیحسان، رێڤەبەرێ گشتی وەبەرهینانێ ل پارێزگەها دهۆكێ بۆ" ئاوێنە" راگەهاند: پرۆژەكێ مەزن وەبەرهێنانی ب كوژمێ 100 ملیون دولاران كو ئەڤە بۆ ماوەیەكە كار لسەر دهێتە كرن ئەڤرۆ 26 ێ شوباتا 2020 هاتە ڤەكرن، ئەڤ پرۆژە دێ بیتە هاندەرەكێ باش بۆ پەیداكرنا دەلیڤێن كاری كو زێدەتر ژ 400 كەسان دڤی پروژەی دا كار بكەن و پشت ب كارگەهـ و بەرهەمێن نافخۆی ببەستین.
گوت ژی: كومپانیا ناڤبری بریارە گەلەك پێدڤێن هاولاتیان ب كوالتیەكا گەلەك باش دابین بكەت ژوانا ژی كەرەستێن هشك وەكی كلینكس و حەفازە..هەروەسا كەرەستێن خوارنێ ژ نیسك و نوك و فاسولیا و توفچا و زەیت .. ئەڤ پرۆژە یێ وەبەرهێنانێ كومپانیا مەحمود دێ لسەر رێكا دناڤبەرا دهوك و زاخۆ نێزیك كومەلگەها باتێلێ هاتیە دانان.