بانكی ناوەندیی عێراق رایدەگەیەنێت: لە رێگای كردنەوەی بانكێك لە ویلایەتە یەكگرتووەكانی ئەمریكاوە، كێشەی ناردنی پارە بۆ دەرەوەی وڵات بە رێگای فیزاكارد ماستەركارد چارەسەردەكات.
عەلی عەلاق پارێزگاری بانكی ناوەندیی عێراق بە ڕۆژنامەنوسانی ڕاگەیاند: ئامانجمان ئەوەیە چارەسەری كێشەی فیزاكارد و ماستەركارد لە دەرەوەی وڵات لە ماوەی مانگی داهاتوودا چارەسەربكەین، رێككەوتووین بانكێكی دیكە لە ویلایەتە یەكگرتووەكانی ئەمریكا بكەینەوە، بۆ ئەوەی بتوانن پەیوەندی لەگەڵ بانكە عێراقییەكان دروستبكەن و لە مەسەلەی گواستنەوەی پارە سوودی لێوەربگیرێت.
وتیشی،: كەرتی بانكی لە عێراق رووبەڕووی ئاڵنگاری سەخت دەبێتەوە لە مامەڵە نێودەوڵەتییەكان بە تایبەت لە پرسی پارەدانی ئەلیكترۆنی و گەرەنتیكردنی مامەڵەكانی خاوەنكارەكان و سەرجەم هاوڵاتیان، بۆ ئەمە هەوڵمانداوە بە شێوازێك چاكسازی لەو كەرتەدا بكەین بگاتە ئاستی پێوەرە نێودەڵەتییەكان و دەستمان بە داڕشتنی پلانێك كردووە بۆ دروستكردنی ماستەركاردی تایبەت بە بازرگانە بچوكەكان.