وەزیری كارەبای حكوومەتی كاربەرێكەری هەرێمی كوردستان رایدەگەینێت ، ئەو پارەیەی بۆ پڕۆژەی ڕووناكی بۆ هاووڵاتییان دێتەوە، كەمترە لەو پارەیەی ئێستا دەیدەنە هەردوو کارەبای موەلیدە و نیشتمانی."
ئاوێنە: كەمال محەمەد ساڵح، وەزیری كارەبای حكوومەتی كاربەرێكەری هەرێمی كوردستان ڕایگەیاند: "ئەو پارەیەی لە پڕۆژەی ڕووناكی بۆ هاووڵاتییان دێتەوە، كەمترە لەو پارەیەی ئێستا دەیدەنە هەردوو کارەبای موەلیدە و نیشتمانی."
ئاماژە بەوەش دەكات، "دڵنیایی دەدەینە هاووڵاتییان، (90%)یان لە پڕۆژەی ڕووناكی پارەی زیاد نادەن، بۆیە پارەی پڕۆژەی ڕووناكی لە پارەی ئێستای موەلیدە كەمتر دەبێت، لەگەڵ ئەوەشدا دەنگی نابێت و ژینگەش پیس ناکات، بۆیە پێویستە لەگەڵ ئەم پڕۆژەیە بین و پشتیوانی لێ بكەین."
جەخت لەوەش دەكاتەوە، كە دڵنیایی دەدەنە هاووڵاتییان، پڕۆژەی ڕووناكی بۆ "سوودی هەموان دەبێت."