کەمێک پێش ئێستا، بەهۆى تەقینەوەى مین کەسێک لە چیاى رۆڵەى سنوورى رواندز گیانى لەدەستدا.
ئاوێنە: کاروان میراودەلى، بەڕێوەبەرى بەرگرى شارستانى سۆران رایگەیاند، "کەمێک لەمەوبەر، بەهۆى تەقینەوەى مین پیاوێکى تەمەن 58 ساڵى سنوورى قەزاى سۆران گیانى لەدەستدا”.
ئاماژەی بەوەشکرد، ئەو کەسە لەگەڵ کوڕەکەى و کەسێکى دیکە، بەمەبەستى کردنى گژوگیاى بەهارە روویان لە چیاى رۆڵە کردووە، بەڵام لەوێ مین پیایدا تەقیوەتەوە و گیانى لەدەستداوە.
وتیشی، “لەئێستادا تیمەکانمان دەرچوون بۆ شوێنى روودا و سەرقاڵى هێنانەوەى تەرمى هاوڵاتییەکە و بردنى بۆ پویشکى دادى سۆرانن”