ئەندامێكی ئەنجوومەنی نوێنەرانی عێراق ڕایگەیاند، پڕۆژەیاسای بە پارێزگابوونی هەڵەبجە پاڵپشتی زۆرینەی فراكسیۆنەكانی بەدەستهێناوە و تەنها دەنگدانی لەسەر ماوە.
ئاوێنە: بڕیار ڕەشید، ئەندامی ئەنجوومەنی نوێنەرانی عێراق لە فراكسیۆنی یەکێتی سەبارەت بە پارێزگابوونی هەڵەبجە ڕایگەیاند، پڕۆژەیاسای بە پارێزگابوونی هەڵەبجە پاڵپشتی زۆرینەی فراكسیۆنەكانی بەدەستهێناوە و تەنها دەنگدانی لەسەر ماوە.
ئاماژەی بەوەشکرد، ئێمە لە فراكسیۆنی یەکێتی هەموو هەوڵێكمان دەخەینەگەڕ بۆ ئەوەی دەنگدان لەسەر بە پارێزگابوونی هەڵەبجە بخرێتە بەرنامەی كاری دانیشتنی ئەنجوومەنی نوێنەرانەوە.
وتیشی: بە هاوكاریی فراكسیۆنەكانی دیكە، كاردەكەین بۆ ئەوەی پڕۆژەیاسای بە پارێزگابوونی هەڵەبجە لەگەڵ نزیك بوونەوەی یادی كارەساتی كیمیابارانی هەڵەبجەدا دەنگی لەسەر بدرێت.