ئەندامێکی لیژنەی یاسایی لە ئەنجومەنی نوێنەران رایدەگەیەنێت، یەکێک لە تۆمەتبارە سەرەکییەکانی دزیی سەدە، خرایە ناو ئەو کەسانەی لێبوردنی گشتی دەیانگرێتەوە.
ئاوێنە: محەمەد جاسم خەفاجی، ئەندامی لیژنەی یاسایی لە ئەنجومەنی نوێنەرانی عێراق رایگەیاند، ئەوکەسەی لێبوردنی گشتی دەیگرێتەوە، هەیسەم جبوری-یە، کە یەکێکە لە کەسە سەرەکییەکانی بەشدار لە “دزیی سەدە”.
ئاماژەی بەوەشکرد، کاتێک داوامان کرد یاسا لەم کەسانە خۆشنەبێت کە پارەی خەڵکیان دزیوە، تۆمەتبارکراین به دژایەتیکردنی کەسانی بێتاوان و ستەملێکراو.
رۆژی 13/10/2022، ئیحسان عەبدولجەبار، وەزیری پێشووی دارایی بە وەكالەت رایگەیاند، كۆمەڵێك كەسی دیاریكراو، بڕی 3.7 تریلیۆن دینار (2.5 ملیار دۆلار)ـیان لە پارەی باج لەناو بانكی رافیدەین دزیوە و دوای ماوەیەک، سودانی دەستگیرکردنی تۆمەتبارەکان و گەڕاندنەوەی بەشێک لە پارەکەی راگەیاند.