میدیای تودەی نیوز، میدیای سەر بە رەوتی هەڵوێست لە راگەیەندراوێكدا دەڵێت، كارمەندێكیان لەگەڵ دو رۆژنامەنوسی دیكەدا دەستگیركراون و "سەلامەتی گیانیان لە ئەستۆی دەزگا ئەمنییەكانی سلێمانیدایە."
ئاوێنە: میدیای سەر بە رەوتی هەڵوێست راگەیەندراوێكی بڵاوكردوەتەوەو دەڵێت: درەنگانی شەوی رابردو، هێزێكی ئەمنی چونەتە سەر ماڵی رۆژنامەنوس (نەبەز شێخانی) کارمەندی تودەی نیوز و دەستگیریان کردوە.
میدیای رەوتی هەڵوێست وتوشیەتی، لەهەمانکاتدا دو ڕۆژنامەنوسی دیکەش بەناوەکانی (بەشدار بازیانی و دانا ساڵح) دەستگیرکراون.
جەختیشی كردۆتەوە كە "سەلامەتی گیانی ڕۆژنامەنوسان لەئەستۆی هێزە ئەمنییەکانی سلێمانیدایە."
دەقی راگەیەندراوەكە:
ڕاگەیەندراوێک لە میدیای تودەی نیوزەوە
درەنگانی شەوی رابردو، هێزێكی ئەمنی چونەتە سەر ماڵی رۆژنامەنوس (نەبەز شێخانی) کارمەندی تودەی نیوز و دەستگیریان کردوە.
کە لەهەمانکاتدا دو ڕۆژنامەنوسی دیکەش بەناوەکانی (بەشدار بازیانی و دانا ساڵح) دەستگیرکراون.
لێرەوە رادەگەیەنین، هەمو ڕێکارێکی یاسایی دەگرینەبەر بۆ ئازاکردنی ڕۆژنامەنوسان و سەلامەتی گیانی ڕۆژنامەنوسان لەئەستۆی هێزە ئەمنییەکانی سلێمانیدایە.