دژه‌تیرۆری كوردستان رایگه‌یاند كه درۆنێكی سوپای توركیا له گوندێكی ئامێدی ئۆتۆمبێلێكی به‌ئامانج گرت و به‌هۆیه‌وه "به‌رپرسێكی په‌كه‌كه و دوو چه‌كدار كوژران".
ئاوێنە: دژه‌تیرۆری كوردستان له راگه‌یه‌ندراوێكدا بڵاویكرده‌وه كه "ئێواره‌ی ئه‌مڕۆ چوارشه‌ممه 26ی شوباتی 2025، كاتژمێر 18:15، فڕۆكه‌ی بێفڕۆكه‌وانی سوپای توركیا ئۆتۆمبێلێكی چه‌كدارانی په‌كه‌كه‌ی له سنووری گوندی ملبركێی ناحیه‌ی چه‌مانكێ له قه‌زای ئامێدیی پارێزگای دهۆك به‌ئامانج ده‌گرێت".
ده‌شڵێت: "به‌هۆیه‌وه به‌رپرسێكی په‌كه‌كه و 2 چه‌كدار كوژراون و تا ئێستا چه‌كدارێكی دیكه‌شیان بێسه‌روشوێنه".