لیژنه‌ی باڵای دیاریكردنی نرخی كاره‌بای كۆمه‌ڵگاكانی نیشته‌جێبون (ستییه‌كان) ئه‌مڕۆ سێشه‌ممه‌ كۆبونه‌وه‌یه‌كی سازكردو تیایدا نرخی كیلۆواتی كاره‌بای موه‌لیده‌ی بۆ مانگی (كانونی یه‌كه‌م/12) دیاریكرد، كه‌ بریتییه‌ له‌ 265 دینار بۆ هه‌ر كیلۆواتێك.

ئاوێنه‌: به‌گوێره‌ی راگه‌یه‌ندراوێكی به‌ڕێوه‌به‌رایه‌تی گشتی كاره‌بای سلێمانی، نرخی گازوایل له‌بازاڕ و ئه‌و توێژینه‌وه‌یه‌ی بۆ خه‌رجی موه‌لیده‌ی ستییه‌كان ئاماده‌كراوه‌، نرخی كیلۆوات ئاوه‌ڕێك كاره‌بای موه‌لیده‌ی ستییه‌كان بۆ ئه‌م مانگه‌ (كانونی یه‌كه‌م/12) بریتییه‌ له‌ (265) دینار.

ئاماژه‌ی به‌وه‌شكردوه‌، بۆ مانگی (تشرینی دوه‌م/11) نرخی كیلۆواتێك كاره‌بای موه‌لیده‌ی ستییه‌كان (260) دینار بو.

كاره‌بای سلێمانی جه‌ختیشیكردۆته‌وه‌، پێویستیشه‌ سه‌رجه‌م ستییه‌كانی سنوری پارێزگای سلێمانی پابه‌ندبن به‌نرخه‌كه‌وه‌، به‌پێچه‌وانه‌وه‌ ئه‌گه‌ر زیاتر له‌و نرخه‌ وه‌ربگرن روبه‌ڕوی رێكاری یاسایی ده‌كرێنه‌وه‌.