دادگای تاوانەکانی کەرخ ئاشکرایکرد، چەند ئەفسەرێک نزیکەی 16 ملیار دیناریان لە موچەی کارمەندانی هێزە ئەمنییەکان دزیوە.
ئاوێنه: محەمەد سەلمان، سەرۆکی دەستەی سێیەم لەدادگای تاوانەکانی کەرخ ئاماژەی بەوەکرد، دۆسیەیەکی نوێی گەندەڵییان ئاشکراکردوە، کە کۆمەڵێک ئەفسەر لە یەکێک لە دەزگا ئەمنییەکان، نزیکەی 16 ملیار دیناریان لە پارەی موچەی کارمەندەکانیان دزیوە.
ئەوەشیخستەڕوو، لە دۆسیەکی دیکەدا بەڕێوەبەرێکی گشتی بڕوانامەی دەرچوونی ساختەی بۆ خۆی دروستکردوە و بۆ ماوەی چەند ساڵێک لە پۆستەکەیدا ماوەتەوە.
وتیشی،" بەهۆی ئەوەی لە عێراق مامەڵە بە پارەی کاش دەکرێت، ئاشکراکردنی دۆسیەکانی گەندەڵی و چاودێریکردنی جوڵە داراییەکان قورسە ".