بڕیارە سبەی هەینی، وەزیرانی دەرەوەی عێراق، ئێران و سوریا لە بەغدا كۆببنەوە بۆ تاوتوێكردنی دۆخی سوریا.
ئاوێنە: ئاژانسی رەسمی هەواڵی عێراقی، بڵاویكردەوە، سبەی هەینی، فواد حسێن، وەزیری دەرەوەی عێراق لەگەڵ عەباس عێراقچی، وەزیری دەرەوەی ئێران و بەسام سەباغ، وەزیری دەرەوەی سوریا لە بەغدا كۆدەبنەوە.
بەپێی ئاژانسەكە، لە كۆبونەوەكەدا وەزیرانی دەرەوەی هەر سێ وڵات، دۆخی ناوچەكەو بەتایبەت دۆخی سوریا تاوتوێ دەكەن.
بەگوێرەی ئاژانسی رەسمی هەواڵی عێراقی، ئێوارەی ئەمڕۆ پێنجشەممە، وەزیری دەرەوەی سوریا گەیشتۆتە بەغداو بڕیارە سبەی هەینی، وەزیری دەرەوەی ئێرانیش بگاتە بەغدا.