محەمەد شیاع سودانی، سەرۆك وەزیرانی عێراق رایگەیاند، لە كۆبونەوەی ئەمڕۆی پەرلەماندا، ئەو سیاسەت و رێوشوێنانەمان خستنەڕو كە بۆ روبەڕوبونەوەی ئاڵەنگارییەكانی ناوچەكە گیراوانەتەبەر و هەروەها گرنگی هەمواركردنەوەی یاسای بودجەمان رونكردەوە.
ئاوێنە: ئەمڕۆ چوارشەممە، پەرلەمانی عێراق كۆبونەوەی خۆی بە ئامادەبونی محەمەد شیاع سودانی، سەرۆك وەزیران و هەروەها وەزیرانی دەرەوە و ناوخۆ و پلاندانان ئەنجامداو ئێوارەش كۆبونەوەكە بۆ سبەی پێنجشەممە هەڵگیرا.
سودانی لەوبارەیەوە لە پەیامێكدا لە تۆڕی ئێكس وتویەتی، لە كۆبونەوەكەدا لەگەڵ وەزیرانی دەرەوە، پلاندانان و ناوخۆ، ئەو سیاسەت و رێوشوێنانەمان خستنەڕو كە گیراونەتەبەر بۆ روبەڕوبونەوەی ئاڵەنگارییەكانی ناوچەكە.
ئاماژەی بەوەشداوە، هەر لە كۆبونەوەكەدا رونكردنەوەیەكی كورتمان لەبارەی جێبەجێكردنی بەرنامەی حكومەت و رێژەی جێبەجێكردنی بەرنامەكە.
سەرۆك وەزیرانی عێراق وتوشیەتی، لە بەشێكی دیكەی كۆبونەوەكەدا، گرنگی ئەنجامدانی گۆڕانكاریی لە وەزارەتەكان، هەمواركردنی یاسای بودجەمان رونكردەوە.