سەرۆكی لیژنەی دارایی پەرلەمان ڕایگەیاند، ڕەشنووسی هەموواركردنەوەی یاسای گشتی خانەنشینی پێشكەش بە خوێندنەوەی یەكەم كراوە، كە تیایدا تەمەنی خانەنشینی لە ٦٠ ساڵەوە بۆ ٦٣ ساڵ دیاریكراوە.
ئاوێنه: عەتوان عەتوانی سەرۆكی لیژنەی دارایی پەرلەمان سەبارەت بە ڕەشنووسی هەموواركردنەوەی یاسای گشتی خانەنشینی، بۆ ئاژانسی فەرمی عێراق ڕایگەیاند، لیژنەكەیان ڕەشنووسی هەموواركردنەوەی یاسای خانەنشینی گشتی پێشكەش بە خوێندنەوەی یەكەم كرد.
ئاماژە بەوەشكرد، لە یاساكەدا هەموواركردنەوەی تەمەنی خانەنشینی لە ٦٠ ساڵەوە بۆ ٦٣ ساڵ دیاریكراوە.
جێگەی ئاماژەیە، كەمێك پێش ئێستا دانیشتنی ئەنجوومەنی نوێنەرانی عێراق بەمیوانداریی محەمەد شیاع سوودانی دەستیپێكرد و بڕیارە خوێندنەوەی دووەمیش بۆ هەموواری یاسای بوودجە بكرێت.