به‌ڕێوه‌به‌رایه‌تی گشتی كه‌شناسی و بومه‌له‌رزه‌زانی هه‌رێم رایگه‌یاند، ئه‌مڕۆ و سبه‌ینێ ئه‌گه‌ری نمه باران و هه‌وره تریشقه له چه‌ند ناوچه‌یه‌كی هه‌رێم هه‌یه.
ئاوێنه: به‌ڕێوه‌به‌رایه‌تی گشتی كه‌شناسی و بومه‌له‌رزه‌زانی بڵاویكرده‌وه، ئه‌مڕۆ سێشه‌ممه ئاسمان له‌نێوان په‌ڵه هه‌ور بۆ نیمچه هه‌ور ده‌بێت له‌هه‌ندێك ناوچه‌ی شاخاوی هه‌وری ته‌واو ده‌بێت.
ئه‌گه‌ری نمه باران و هه‌وره تریشقه له‌ناوچه‌كانی ناوه‌راست و باشوری هه‌رێم له‌كاته‌كانی دوایی نیوه‌ڕۆ و هه‌روه‌ها بارینی نمه باران له‌هه‌ندێ ناوچه‌ی جۆراوجۆر.
سبه‌ی چوارشه‌ممه ئاسمان ساماڵ و په‌ڵه هه‌ور ده‌بێت له‌هه‌ندێك ناوچه نیمچه هه‌ور ده‌بێت، له‌گه‌ڵ ئه‌گه‌ری بارینی نمه باران له‌كاتی جیا له‌هه‌ندێك ناوچه‌كانی رۆژهه‌ڵاتی هه‌رێم.