دەستەى گشتیی کەشناسیى عێراق پێشبینییەکانى خۆى بۆ رەوشى کەشوهەوا بڵاوکردەوە و رایگەیاند، ئەمڕۆ و سبەى بارانبارین لە هەرێمى کوردستان بەردەوام دەبێت و بەرزترین رێژەى دابارینیش لە پارێزگاى سلێمانى دەبێت.
ئاوێنه: بەگوێرەى راگەیەندراوێکى دەستەى کەشناسیی عێراق، لە ناوچەکانى عێراق بە گشتى تاوەکو نیوەڕۆى ئەمڕۆ بارانبارین بەردەوام دەبێت و پلەکانى گەرما نزمدەبنەوە.
هەر بەگوێرەى راگەیەندراوەکە، ئەمڕۆ و سبەی بارانبارینى بەلێزمە لە هەرێمى کوردستان بەردەوام دەبێت و بەرزترین رێژەى دابارین لە پارێزگاى سلێمانى دەبێت، هەروەک پێشبینیى ئەوەشکراوە لە پارێزگاکانى دیالە، میسان، واست و پارێزگاکانى ناوچە سنوورییەکان لەگەڵ ئێران بارانى بە لێزمە ببارێت.
ئەمڕۆ لە بەشێک لە پەروەردەکانى هەرێمى کوردستان بەهۆى پێشبینىیەکانى ناسەقامگیرى کەشوهەوا و ئەگەرى دابارینى رێژەیەکى بەرزى باران، خوێندن راگیرا.