بەرپرسی ئەو بنكەی دەنگدانەی هەڵەبجە كە ئەمڕۆ هەینی لە كاتی دەنگداندا گرژی تێدا دروست بو، دەڵێت، هەر سكاڵایەك هەبێت تۆماری دەكەین و پڕۆسەكەش بە باشی بەڕێوەدەچێت.
ئاوێنە: بەپێی راگەیەنرداوێكی پارێزگای هەڵەبجە، ئەمڕۆ هەینی، ئازاد تۆفیق، پارێزگاری هەڵەبجە، سەردانی بنکەی دەنگدانی تایبەتی قوتابخانەی بورهانی کرد و لەنزیکەوە گوێی بۆ بەرپرسی بنکەکە و نوێنەرانی لایەنە سیاسیەکان گرت و داوای کرد، بە ئارامی و بە پابەندبون بە ڕێنماییەکانی کۆمسیۆن دەنگ بدەن.
بەرپرسی بنکەی قوتابخانەی بورهان، وەك لە راگەیەندراوەكەدا هاتوە، لای خۆیەوە ڕایگەیاند؛ "هەر سکاڵایک هبێت تۆماری دەکەین و پرۆسەکەش بەباشی بەڕێوەدەچێت."