كەشناسی هەرێم پێشبینی دەكات، ئەمڕۆ هەیمی لە ناوچە شاخاوییەكانی پارێزگای هەولێر نمەبارانێكی كەم ببارێت و دەشڵێت، سبەی شەممەش پلەکانی گەرما نزمبونەوەیکى تەواو بە خۆیانەوە دەبینن و 4 تا 6 پلە نزم دەبنەوە.

ئاوێنە: كەشناسی هەرێم لە راگەیەندراوێكدا دەڵێت، ئەمڕۆ هەینی ئاسمان نیمچە هەور دەیێت و لە ناوچە شاخاوییەکانى سنورى پارێزگاى هەولێر ئەگەرى نمە بارانێکى کەم هەیە بەشێوەى پچڕ پچڕ.

ئاماژەی بەوەشداوە، هەر ئەمڕۆ پلەکانی گەرما لە باکورى هەرێم بەشێوەیەکى گشتى بە 2 تا 3 پلە بەرزدەبنەوە بەڵام لە بەشى باشوری هەرێم نزمتر پلەكانی گەرما بە 1 تا 2 پلە نزمتر دەبن لەچاو تۆماركراوەكانی دوێنێ.

بەپێی راگەیەندراوەكەی كەشناسی هەرێم، سبەی شەممە، پلەکانی گەرما نزمبونەوەیەکى تەواو بەخۆوە دەبینن و 4 تا 6 پلە نزمتر دەبن لەچاو تۆماركراوەكانی ئەمڕۆ.

كەشناسی هەرێم پێشبینی كردوە كە بەرزترین پلەكانی گەرمای پێشبینیكراو بۆ سبەی بەم شێوەیە بن:

هەولێر: 28 پلەى سیلیزى

سلێمانی: 27 پلەى سیلیزى

دهۆک: 26 پلەى سیلیزى

کەرکوک: 30 پلەى سیلیزى

هەڵەبجە: 24 پلەى سیلیزى

زاخۆ: 24 پلەى سیلیزى

حاجی ئۆمەران: 18 پلەى سیلیزى

سۆران: 27 پلەى سیلیزى

گەرمیان: 31 پلەى سیلیزى