دوای هێرشکردنەسەر بنکەی ڤیکتۆریا لەفڕۆکەخانەی بەغدا و هێرشكردنه سه‌ر بنكه‌یه‌كى سه‌ربازیى ئیسرائیل له‌جۆلان و كوژرانى دوو سه‌رباز، ئەمریکا پەیامی توندی بۆ گرووپە چەکدارە عێراقییەکان ناردووه.
به‌گوێره‌ى ئه‌و زانیاریانه‌ى ئاشكراكراون، چەند سەرچاوەیەکی ئەمنی وتویانه، دوای هێرشی سەر بنکەی ڤیکتۆریا لەفڕۆکەخانەی نێودەوڵەتی بەغدا به‌موشەکی جۆری کاتیۆشا، ئەمریکا لەڕێگەی حکومەتی عێراقەوە پەیامێکی توندی ئاڕاستەی گرووپە چەکدارەکان کردووە و هەڕەشەی لێكردوون لە ئەگەری بەردەوامبوونیان لەسەر ئەو کارانە، سەرکردە و بەرژوەندییە بازرگانییەکانیان دەکاتە ئامانج".
ئەمریکا ئەو گروپانەی ئاگادارکردوەتەوە، لەئەگەری فراوانکردنی هێرشەکانیان بۆ سەر ئیسرائیل، گروپەکان و سەرکردە باڵاکانیان ڕووبەڕووی چارەنوسێکی قورس ده‌كاته‌وه.