ئاژانسی ئێرنای ئێرانی دەڵێت، “رۆژی چوارشەممە مەسعود پزیشکیانی سەرۆک کۆماری نوێی وڵات سەردانی عێراق دەکات و سەردانەکەش لەسەر بانگهێشنامەی سودانی بووە”.
ئاژانسەکە ئاماژەی بەوەکردووە، رۆژی 11ی ئەیلول، سەرۆک کۆماری ئێران یەکەم سەردانی دەرەوەی وڵاتەکەی، بەرەو عێراق ئەنجامدەدات و سەردانەکە بەمەبەستی چەند کۆبوونەوەیەک دەبێت لەگەڵ لایەنی عێراقی بەمەبەستی هاوکاری دوولایەنە و بابەتە ئەمنییەکان.
و مەسعود پزیشکیان بە یاوەری وەفدێکی باڵای وڵاتەکەی دێتە عێراق و چەندین یاداشتی لێکتێگەیشتن واژوو دەکەن کە پێشتر لەلایەن ئیبراهیم رەئیسی، سەرۆک کۆماری پێشوو لەگەڵ عێراق گفتوگۆیان لەسەر کرابوو.