وەزیرى نەوتی عێراق سەردانی ئەمریکا دەکات بۆ وەبەرهێنانی نوێ لە خولی نوێی وەربەهێناندا.
ئاوێنه: حەیان عەبدولغەنی، وەزیرى نەوتی عێراق بە میدیاکانی راگەیاند: لە کۆتایی ئەمساڵدا پڕۆژەیەکی نوێی وەبەرهێنان بۆ غاز بە توانای 125 ملیۆن مەتر پێ سێجا لە کێڵگەی فەیحا دەست پێدەکات.
ئەمەشی وت: وەزارەتی نەوتی عێراق دەرفەتی وەبەرهێنان لەبواری غازدا بە کۆمپانیا تایبەتەکان دەدات و 10 ناوچەی کێلگەی غازی هەن کە کۆمپانیاکان پێشکەشیان نەکردووە بۆ ئەوەی کاری تێدا بکەن.
لە رۆژانی ئایندەدا سەردانی ئەمەریکا دەکەین و دەمانەوێت ئەم دەرفەتانە بخەینە بەردەم کۆمپانیا نێودەوڵەتییە ئەمریکیەکان.