سەرۆكایەتی پەرلەمانی عێراق ڕەزامەندی لەسەر داواكارییەكی لیژنەی دەستپاكی پەرلەمان دەربڕییوە بۆ بانگهێشت كردنی پارێزگاری بانكی ناوەندی عێراق.
میدیا عێراقییەكان نووسراوێكی فەرمییان لە بارەی بانگهێشت كردنی عەلی موحسین عەلاق پارێزگاری بانكی ناوەندی عێراق بۆ پەرلەمان بڵاوكردووەتەوە.
بەپێی نووسراوەكە، سەرۆكی پەرلەمانی عێراق بەوەكالەت ڕەزامەندی لەسەر داواكارییەكی لیژنەی دەستپاكی پەرلەمان دەربڕییوە بۆ بانگهێشت كردنی عەلی موحسین عەلاق پارێزگاری بانكی ناوەندی عێراق.
ئاماژە بەوەشكراوە، داواكارییەكە لەلایەن هادی حەسەن سەلامی ئەندامی لیژنەی دەستپاكی پەرلەمانی عێراقەوە پێشكەش كراوە.
جێگەی ئاماژەیە، تا ئێستا دیار نییە كەی عەلی موحسین عەلاق دەچێتە پەرلەمان و ئەو پرسیارانەی ئاراستەی دەكرێت، چییە.
