ئەمشەو دوشەممە بە موشەك هێرش كرایە سەر بنكەی ئاسمانی عەین ئەسەد لە رۆژئاوای پارێزگای ئەنبار كە هێزەكانی ئەمریكا لەخۆدەگرێت.
ئاوێنە: بەگوێرەی میدیا عێراقییەكان، سەعات 9ی ئەمشەو دوشەممە، بە دو موشەك هێرش كراوەتەوە سەر بنكەی ئاسمانی عەین ئەسەد لە رۆژئاوای پارێزگای ئەنبار.
بەپێی سەرچاوە ئەمنییەكان، دو موشەكەكە لە ئۆتۆمبێلێكی جۆری كیای بارهەڵگری رەنگ سپییەوە ئاڕاستەی بنكەكە كراون و لەدەوروبەری بنكەكە كەوتونەتە خوارەوە.
ئاماژە بەوەشدراوە كە هێزە ئەمنییەكان سەرقاڵی گەڕان و پشكنینن بۆ دۆزینەوە شوێنی ئاڕاستەكردنی موشەكەكان.