بەگوێرەی نوسراوێکی نوسینگەی سەرۆک وەزیرانی عێراق، جیاوازی بنەڕەتی لە خشتەکانی بودجەی پەسەندکراوو ئەو خشتەیەدا ھەیە کە حکومەت پێشتر ڕەوانەیپه‌رله‌مانی عێراقی کردووە.
ئاوێنه: نوسراوه‌كه‌ی محه‌مه‌د شیاع سودانی، سه‌رۆك وه‌زیرانی عێراق كه ڕۆی 1ی 7ی 2024 ئاڕاستەی موحسین مه‌نده‌لاوی، سەرۆکی په‌رله‌مانی عێراقی کردووە، تێیدا هاتووه، خشتەکانی بودجەی ساڵی 2024 کە بەئیمزای سەرۆکی په‌رله‌مان بەکاغەزو بەئەلیکترۆنی بۆیان ڕەوانەکراوە، جیاوازی بنەڕەتیان ھەیە لەگەڵ ئەو خشتەیەی پێشتر حکومەتی فیدڕاڵ ئاڕاستەی په‌رله‌مان کردبو.
محه‌مه‌د شیاع سودانی داوا دەکات، سەرۆکی په‌رله‌مانی عێراق ڕونکردنەوەیان ئاڕاستە بکات لەسەر ئەو جیاوازییە.
