ئێوارەی ئەمڕۆ پێنجشەممە، تەقینەوە لە كۆگایەكی چەك و تەقەمەنی حەشدی شەعبی لە باشوری بەغدا رویداو هێشتا هۆكاری تەقینەوەكە نەزانراوە.
ئاوێنە: حەشدی شەعبی لە راگەیەندراوێكدا وتویەتی، سەعات 7ی ئێوارەی ئەمڕۆ پێنجشەممە، تەقینەوە لە كۆگایەكی پشتیوانی لۆجستی لیوای 42ی سەربە حەشدی شەعبی لە ناوچەی یوسفیە لە باشوری بەغدا رویداوە.
ئەوەشی خستۆتەڕو، دەستەی حەشدی شەعبی لیژنەیەكی تەكنیكی تایبەتمەندی پێكهێناوە لەبارەی هۆكارەكانی تەقینەوەكەو تیمەكانی فریاگوزاری و تەندروستی و ئاگركوژێنەوە گەیشتونەتە شوێنەكە.
هێمای بۆ ئەوەش كردوە كە بەپێی زانیارییە سەرەتاییەكان، تەقینەوەكە زیانی گیانی بەدواوە نەبوە.