بڕیارە سبەینێ خولی دوومی هەڵبژاردنی سەرۆكایەتی كۆماری ئێران بەڕێوەبچێت، چونکە لە خولی یەكەمدا لە٦٠٪ـی دەنگدەرانی ئێران بایكۆتی هەڵبژاردنەكەیان كرد، هەریەكە لە مەسعوود پزیشكیانی ڕیفۆرمخواز و سەعید جەلیلی ڕكابەری بەدەستهێنانی ئەو پۆستە دەكەن.
میدیا ئێرانییەکان لە بارەی وادەی دەستپێكردنی خولی دوومی هەڵبژاردنی سەرۆكایەتی كۆماری ئێران و كێبڕکێکانى نێوان مەسعود پزیشكیان و سەعید جەلیلی زانیاری نوێ دەخەنەڕوو.
میدیا ئێرانییەکان بڵاویان كردەوە، ڕۆژی ٢٨ـی حوزەیرانی ئەمساڵ هەڵبژاردنی سەرۆكایەتی كۆماری ئێران بەڕێوەچوو، كە تیایدا چوار كاندید ڕكابەری بەدەستهێنانی ئەو پۆستەیان دەكرد، بەڵام تەنیا مەسعوود پزیشكیانی ڕیفۆرمخواز و سەعید جەلیلی دەنگی باشیان بەدەستهێنا، هەربۆیە هەڵبژاردنەكە كەوتە خولی دووەمەوە.
ئاماژە بەوەشكراوە، بڕیارە سبەینێ خولی دوومی هەڵبژاردنی سەرۆكایەتی كۆماری ئێران بەڕێوەبچێت، بەڵام دیار نییە كە ڕێژەی بایكۆتكردنی دەنگدان ئەمجارە زیاتر دەبێت، یان ژمارەیەكی زیاتر لە خولی یەكەمی هەڵبژاردنەكە دەچنە سەر سندووقەكانی دەنگدان.
هاوکات، لە خولی یەكەمی هەڵبژاردنەكەدا لە ٦٠٪ـی دەنگدەرانی ئێران بایكۆتی هەڵبژاردنەكانی وڵاتەكەیان كرد، لە ئێستادا ئامادەكاری بۆ قۆناغی دووەمی كێبڕكێی نێوان مەسعوود پزیشكیان و سەعید جەلیلی دەكرێت.
جێگەى ئاماژەیە، كۆمسیۆنی باڵای هەڵبژاردنەكانی ئێران بڵاوی كردەوە، لە كۆی ٢٤.٥ ملیۆن دەنگدەر، زیاتر لە یەك ملیۆن دەنگدەری دەنگەكانیان سووتاندووە.