مەسعود بارزانی، سەرۆكی پارتی، ئەمڕۆ چوارشەممە، لە چوارچێوەی سەردانەكەیدا بۆ بەغدا، لەگەڵ سەرۆكی ئەنجومەنی باڵای دادوەریی عێراق كۆبوەوەو چەند پرسێكیان تاوتوێ كرد.
ئاوێنە: بەپێی راگەیەندراوێكی ئەنجومەنی باڵای دادوەریی عێراق، ئەمڕۆ چوارشەممە، فایەق زیدان، سەرۆكی ئەنجومەنەكە پێشوازی كردوە لە مەسعود بارزانی، سەرۆكی پارتی و وەفدێكی یاوەری و لە كۆبونەوەیەكدا ژمارەیەك دۆسیەی یاسایی و دادوەریی تایبەت بە پەرەپێدانی كاری دەسەڵاتی دادوەرییان لە هەرێم تاوتوێ كردون.
هاوكات بارەگای بارزانی لەبارەی ناوەڕۆكی كۆبونەوەكەوە وتویەتی، "لە دیدارەكەدا بیروڕا لەبارەی بارودۆخی سیاسیی عێراق و پەیوەندیی نێوان لایەنەکان و دواپێشهاتە هەرێمایەتییەکان تاوتوێ کرا."