میدیای حووسییەکانی یەمەن بڵاویکردەوە کە ئەمریکا و بەریتانیا ١٠ هێرشیان کردووەتە سەر شاری حودەیدا.
کەناڵی تەلەڤيزیۆنی مەسیرەی سەربە حووسییەکان، لە هەواڵێکیدا بڵاویکردەوە کە ئەمریکا و بەریتانیا شەش هێرشی ئاسمانییان کردووەتە سەر فڕۆکەخانەی نێودەوڵەتی حودەیدا.
لە کاتێکدا باس لەوە دەکرێت کە ئەمریکا و بەریتانیا چوار هێرشی ئاسمانییان کردووەتە سەر دوورگەی کاماران لە دەریای سوور، وردەکاری سەبارەت بە هێرشەکە و دەرەنجامەکانی نەخراوەتەڕوو.