ئێوارەی ئەمڕۆ دوشەممە، سەرۆكایەتی پەرلەمانی عێراق لە راگەیەندراوێكی كورتدا كۆتاییهاتنی وەرزی یاسادانانی خۆی راگەیاند.
ئاوێنە: ئەوەش لەدوای ئەوە دێت كە ئێوارەی ئەمڕۆ پەرلەمان لەدوایین دانیشتنی ئەم وەرزەی خۆیدا خشتەكانی بودجەی 2024ی پەسەندكرد.
پێشتر پەرلەمان ماوەی وەرزی یاسادانانی خۆی بۆ مانگێك درێژكردەوە كە لەو ماوەیەدا توانی تەمەنی كۆمسیۆنی باڵای سەربەخۆی هەڵبژاردنەكان درێژبكاتەوەو ئەمڕۆش خشتەكانی بودجەی پەسەندكرد، بەڵام نەیتوانی پرسی هەڵبژاردنی سەرۆكێكی نوێ بۆ پەرلەمان یەكلایی بكاتەوەو بەوەش ئەو پرسە دوادەكەوێت بۆ وەرزی داهاتوی یاسادانانی پەرلەمان.