كەمێك لەمەوبەر كۆبونەوەی پەرلەمانی عێراق بۆ دەنگدان لەسەر خشتەكانی بودجە دەستی پێكرد.
ئاوێنە: فەرمانگەی راگەیاندنی پەرلەمانی عێراق لە راگەیەندراوێكدا دەڵێت، كەمێك لەمەوبەر دانیشتنی پەرلەمان بۆ دەنگدان لەسەر خشتەكانی بودجە بە سەرۆكایەتی موحسین مەندەلاوی، سەرۆكی پەرلەمان بەوەكات دەستی پێكرد.
بەپێی راگەیەندراوەكە، 199 پەرلەمانتار ئامادەی دانیشتنەكەن كە بڕیارە تێیدا دەنگ لەسەر خشتەكانی بودجەی 2024 بدرێت.
بەرلەوە لیژنەی دارایی عێراق دوایین كۆبونەوەی خۆی بۆ یەكلاییكردنەوەی دەنگدان لەسەر خشتەكانی بودجە بە ئامادەبونی شاخەوان عەبدوڵا، جێگری سەرۆكی پەرلەمان ئەنجامداو كەمێك لەمەوبەر كۆبونەوەكە كۆتایی هات.