سەرچاوەیەکی ئەمنی عێراق، بەیانی ئەمڕۆ پێنجشەممە 30ی ئایاری 2024 رایگەیاند، لقی کۆمپانیای کەرەستەی بیناسازی ئەمریکی Caterpillar و پەیمانگای پەروەردەیی کامبریجی بەریتانی لە بەغدای پایتەخت، هێرش کرایە سەریان.
به وته‌ی سەرچاوەكە، لقی Caterpilla لە ناوچەی جادریە لەناوەڕاستی پایتەختی عێراق بەبۆمبی دەنگی کراوەتە ئامانج.
باس له‌وه‌شكراوه، پەیمانگای کامبریج بەریتانی-ئەمریکی بە بۆمبی دروستکراوی ناوخۆیی لە ناوچەی شەقامی فەڵەستین لە رۆژهەڵاتی بەغدا کراوەتە ئامانج.
لە ئەنجامی ئەو دوو هێرشەدا هیچ زیانێکی مرۆیی تۆمار نەکراوە، جگە لە زیانی ماددی بە بیناکانی کۆمپانیا و پەیمانگاکان كه‌وتووه.
ئەم هێرشانە دوای ئەوە دێت کە ئێوارەی یەکشەممەی رابردوو دوو چێشتخانەی سەر بە زنجیرە چێشتخانەکانی KFC ی ئەمریکییان کردە ئامانج، یەکەمیان لە ناوچەی شەقامی فەڵەستین و ئەوی دیکەیان لە ناوچەی کەڕادە - 62 لە بەغدای پایتەخت.