نیوەڕۆی ئەمڕۆ لە ئەنجامی هێرشێکی چەکداریدا کە کرایە سەر یەکێک لە بنکەکانی پشکنینی بەردەم دادگا لە شاری ئیستانبول، لە ئەنجامی هێرشەکە و رووبەڕووبوونەوەی چەکداری، دوو هێرشبەرەکە کوژران و پێنج کەسیش، کە سیانیان ئەندامی هێزە ئەمنییەکان بوون برینداربوون.
عەلی یەرلیکایا وەزیری ناوخۆی تورکیا رایگەیاند، لە ئەنجامی هێرشێک کە کراوەتە سەر بنکەی پشکنینی پۆلیسی بەردەم دادگای ئیستانبول، پێنج کەس برینداربوون کە سیانیان لە هێزەکانی پۆلیس بوون و دوانی دیکە مەدەنی بوون و دوو هێرشبەرەکەش کوژراون.
لای خۆشیەوە یەڵماز تونج وەزیری دادی تورکیا داوای کردنەوەی پەڕای لێکۆڵینەوەی لە رووداوەکە کرد.