هەپەگە ڕایگەیاند، لە سێ ڕۆژدا توركیا 526 جار لە ئاسمان و زەوییەوە ناوچەكانی ژێر دەستی گەریلای بۆردومان کردون.
ئاوێنە: ناوەندی ڕاگەیاندن و چاپەمەنیی هێزەکانی پاراستنی گەل-هەپەگە، ئەمڕۆ هەینی لە راگەیەندراوێكدا وتی، هێرشەكانی توركیا بۆ سەر ناوچەكانی ژێر دەستی گەریلا لە زەوی و ئاسمانەوە بەبێ راوەستان بەردەوامن.
ئاماژەی بەوەشداوە، رۆژی 25ی ئەم مانگە ناوچەی شەهید دەلیلی ڕۆژئاوای زاپ دو جار بە تەقەمەنی قەدەغەکراو بۆردومانکراوە.
ئەوەشی خستۆتەڕو، رۆژانی 26 و 27ـی ئادار فڕۆکە جەنگییەکانی توركیا شەش جار هەرێمی گارەیان بۆردومان کردوە.
ئاماژە بەوەشدراوە، هەر لە رۆژانی 26 و 27ـی ئادار، ناوچەكانی خواکورک، گارە، مەتینا، شەهید دەلیلی ڕۆژئاوای زاپ؛ 518 جار بە چەکی قورس، تۆپ و هاوەن بۆردومان کراون.