سەدر: ئەمریکا توندوتیژی تائیفی لە ناوچەكەدا دەقۆزێتەوە بۆ فراوانكردنی بازنەی جەنگ
  2025-03-17       178       

موقتەدا سەدر نیگەرانی لە پەرەسەندنی توندوتیژی تائیفی دەردەبڕێت، بە تایبەتی لە سوریا و لوبنان و عیراق.

ئاوێنە: موقتەدا سەدر، رێبەری رەوتی نیشتمانی شیعە راگەیەندراوێكی لە تۆڕی كۆمەڵایەتی ئێكس بڵاوكردووەتەوە و دەڵێت، نیگەرانە لە پەرەسەندنی توندوتیژی تائیفی لە ناوچەكە، بە تایبەتی لە سوریا و لوبنان و عیراق، ئەمریكاش ئەو پەرەسەندنە دەقۆزێتەوە بۆ فراوانكردنی بازنەی جەنگ.

داواشی لە بڕیاربەدەستانی عەرەب و ناوچەكە كردووە، فشار بكەن بۆ راگرتنی دوژمنكاری ئەمریكا لەسەر یەمەن، لوبنان و فەلەستین و رێگە نەدرێت دەستوەردان لە سوریا زیاتر بكرێت.

جەختیشیكردووەتەوە لە گرنگی لابردنی گەمارۆی سەر كەرتی غەززە، چونكە لەناوچوونی تەواوەتی ئەو كەرتەی لێدەكەوێتەوە.

سەدر لە كۆتایی راگەیەنراوەكەشیدا رەخنەی لە بێدەنگی سەركردە موسڵمان و عەرەبەكان گرتووە و دەڵێت، لۆمەی خۆتان مەكەن كاتێك پەشیمان دەبنەوە.

زۆرترین بینراو
© 2025 Awene Online, Inc. All Rights Reserved.
×