ئەندامێكی بەرەی توركمانی بایكۆتی شكاند و خۆی گەیاندە لای بارزانی
  2025-03-18       2416       

ئەندامێكی بەرەی توركمانی بایكۆتی دانیشتنەكانی ئەنجومەنی پارێزگای کەرکوکی شكاند، ناكۆكی ئەرشەد ساڵحی و حەسەن تۆران بەرەی توركمانی دابەشدەكات، تۆران خۆی گەیاندە لای بارزانی.

ئاوێنە: حەسەن تۆران، سەرۆكی بەرەی توركمانی لە پیرمام سەردانی مەسعود بارزانی سەرۆكی پارتی دیموكراتی كوردستانی كرد.

لەوبارەیەوە بارەگای بارزانی لە راگەیەندراوێكدا دەڵێت "بیروڕا لەبارەی پرۆسەی سیاسیی عێراق و بارودۆخی پارێزگای كەركوك ئاڵوگۆڕ كراو جەخت لەسەر هەماهەنگی و نزیكیی نێوان لایەنە سیاسییەكانی پارێزگای كەركوك كرایەوە".

سەردانی حەسەن تۆران بۆ لای بارزانی دوای ئەوە دێت، ئەندامێكی بەرەی توركمانی لە ئەنجومەنی پارێزگای كەركوك بەناوی (ئەحمەد رەمزی كۆپرلو) بایكۆی شكاند و بڕیاریدا بەشداری كۆبوونەوەكانی ئەنجومەنی پارێزگا بكات.

جێی ئاماژەشە، پارتی و بەرەی توركمانی هەردووكیان دژی پرۆسەی پێكهێنانی حكومەتی خۆجێی كەركوك بوون لە "هۆتێل رەشید"ی بەغدا لە رۆژی ١٠ی ئابی ٢٠٢٤دا؛ هەردووكیان سكاڵایان دژی یاسایبوونی دانیشتنی ئەنجومەنی پارێزگا و هەڵبژاردنی پارێزگار و سەرۆكی ئەنجومەنی پارێزگا لەو رۆژەدا تۆماركرد (ئیئتیلافی یەكێتیی و نیوەی پێكهاتەی عەرەبی سوننە لە كەركوك)، بەڵام سكاڵاكانیان رەتكرایەوە.
 

زۆرترین بینراو
© 2025 Awene Online, Inc. All Rights Reserved.
×