لە شەڕ و پێكدادانی نێوان شەڕڤانانی هەسەدە و گروپە چەكدارەكاندا لە دەوروبەری منبج، شەش چەكدار كوژران.
ئاوێنه: ئەمڕۆ یەکشەممە 29ـی 12ـی 2024، ناوەندنی راگەیاندنی هێزەكانی سوریای دیموكرات ناسراو بە هەسەدە رایگەیاند، لە نزیك منبج روبەڕووبوونەوە لەگەڵ گروپە چەكدارەكانی نزیك لە توركیا روویداوە و لە ئەنجامدا شەش چەكدار كوژراون و دوو ئۆتۆمبێلی سەربازیش تێكشكێنراون.
ئاماژەی بەوەشكردووە، "لە ئۆپراسیۆنێكدا لە نزیك رەقە 27 كەس بە تۆمەتی لایەنگری بۆ رێكخراوی تیرۆرستی داعش دەستگیركراون."
ئەوەشی خستووەتەڕوو، ئەو هەڵمەتەیان لە ئەنجامی زیادبوونی چالاكییەكانی داعش لە ناوچەكە و بەپێی زانیاری وردی هەواڵگری ئەنجامداوە، چونكە لە هەوڵدا بوون رەوشی ئەمنی ناوچەكە تێكبدەن.