یەکێتیی مامۆستایانی کوردستان رایدەگەیەنێت، “پێویستە مووچەی مامۆستایان بەپێی بڕیاری دادگای فیدراڵی بەنیشتمانی بکرێت”.
یەکێتیی مامۆستایانی کوردستان بەیاننامەیەکی بڵاوکردەوە و دەڵێت، “لە رۆژی جیهانیی مامۆستایان کە 5ی تشرینی یەکەمە، و هەروەها رۆژی مامۆستایانی کوردستان کە 6ی تشرینی یەکەمە، داواکارین لە حکومەت و لایەنە پەیوەندیدارەکان قەرەبووی ئازاری جەستەیی و دەرونی و هزریی ساڵانی رابردووی مامۆستایان بکەنەوە”.
یەکێتیی مامۆستایانی کوردستان لە بەیاننامەکەیدا دەڵێت، “پێداگرین لەسەر ئەوەی مووچەی تەواوی مامۆستایان بەپێی بڕیاری دادگای فیدراڵی بەنیشتمانی بکرێت، هەروەها پلەبەرزکردنەوەی فەرمانبەر و مامۆستایان دەستپێبکاتەوە کە لە ساڵی 2016ەوە راگیراوە”.
لە بەیاننامەکەدا هاتووە، پێویستە زەوی دابەشکردن یان پرۆژەی نیشتەجێبوون دەستپێبکاتەوە.