وەزارەتی دارایی و ئابوری رایگه‌یاند، سبه‌ی هەینی دابەشکردنی موچە بە خانەنشینی شارستانی دەستپێدەکات و ڕۆژی سێشەممە (2024/10/8) بە سەرۆکایەتی ئەنجومەنی وەزیران کۆتایی دێت.
ئاوێنه: وەزارەتی دارایی و ئابوری حكومه‌تی هه‌رێمی كوردستان له راگه‌یه‌ندراوێكدا باسی له‌وه‌كردوه، سبه‌ی هه‌ینی دابه‌شكردنی موچه ده‌ستپێده‌كات و موچه‌ی هه‌ریه‌كه له خانه‌نشینانی شارستانی و پێشمه‌رگه دابه‌شده‌كرێت.
ئاماژه‌ی به‌وه‌شكردوه، رۆژی شه‌ممه موچه‌ی هه‌ریه‌كه له خاوه‌ن پێداویستیه تایبه‌ته‌كان، كه‌سوكاری شه‌هیدان و زیندانیه سیاسیه‌كان دابه‌شده‌كرێت.
ئه‌م موچه‌یه‌ی دابه‌شدەكرێت موچه‌ی مانگی هه‌شتی ئه‌مساڵه و پێده‌چێت هه‌فته‌ی داهاتو پاره‌ی موچه‌ی مانگی (ئه‌یلول/9)ی 2024 ده‌گاته هه‌رێمی كوردستان.
