هەپەگە رایگەیاند، لە هەشت چالاكی ئاسمانی گەریلادا لە ناوچەی زاپی باشوری كوردستان، لانیكەم پێنج سەربازی توركیا كوژراون و 13ی دیكەش برینداربون.
ئاوێنە: ناوەندی راگەیاندن و چاپەمەنی هێزەكانی پاراستنی گەل-هەپەگە لە راگەیەندراوێكدا وتی، لەنێوان رۆژانی 1 تا 11ی ئەم مانگە، هێزەكانی گەریلا، هەشت جار لە ئاسمانەوە گورزیان لە هێزەكانی توركیا لە شوێنە جیاجیاكانی ناوچەی رۆژئاوای زاپ وەشاندوە.
ئەوەشی خستۆتەڕو، لەئەنجامی ئەو چالاكییە ئاسمانیانەدا لانیكەم پێنج سەربازی توركیا كوژراون و 13 سەربازی دیكەش برینداربون و هەروەها 5 خێمەش لەناوبراون و گورز لە سێ مۆڵگەش وەشێندراوە.
بەگوێرەی راگەیەندراوەكە، لەنێو بریندارو كوژراوەكاندا سێ ئەفسەری سوپای توركیا هەن.