كه‌مێك له‌مه‌وبه‌ر كۆبونه‌وه‌ی‌ ئەنجومەنی پارێزگای کەرکوک لەبەغداد ئه‌نجامدراو تێیدا ڕێبوار تەها وەک پارێزگاری کەرکوک‌و محەمەد حافز وەک سەرۆکی ئەنجومەنی پارێزگاری کەرکوک هەڵبژێردران.

ئاوێنه‌: پارێزگاری نوێی‌ کەرکوک كێیه‌؟

رێبوار تەها مستەفا ئەحمەد 

* ساڵی 1982 لەگەڕەکی ئازادی شاری کەرکوک لەدایکبووە.

* خوێندنی سەرەتایی و ناوەندی و ئامادەیی لەکەرکوک تەواوكردووە.

* خاوەنی بڕوانامەی بەکالۆریۆسی پەروەردە زمانی ئینگلیزی و بەکالۆریۆسی یاسا و بڕوانامەی دبلۆمی كارگێری‌ و یاسایە لەپەیمانگای تەکنیکی کەرکوک.

* لەدوای پرۆسەی ئازادی عێراق تا ساڵی 2014 کاری کردووە لەپرسی ئەمنی و روبەڕوبونەوەی تیرۆر.

* ساڵی 2014 بۆ جاری یەکەم بووە بەئەندامی ئەنجومەنی نوێنەرانی عێراق و ئەندامی لیژنەی دەستپاکی بووە.

* رێبوار تەها لەلێکەوتەکانی دوای ریفراندۆم و روداوەکانی 16ی ئۆکتۆبەردا رۆڵێکی بەرچاوی بینی‌و کەرکوک و شارەکەی بەجێنەهێشت.

* لەساڵی 2018 وەک سەرۆکی لیستی (ی.ن.ک) بووە بەئەندامی ئەنجومەنی نوێنەرانی عیراق بۆ جاری دووەم و جێگری سەرۆکی لیژنەی نەوت و وزە بووە.

* هەروەها جێگری نوسینەوەی پەیرەوەی ناوخۆی پەرلەمانی عێراق بووە.

* لەکۆنگرەکانی‌ چوارەم و پێنجەم وەک ئەندامی ئەنجومەنی‌ سەرکردایەتی یەکێتیی نیشتمانیی کوردستان هەڵبژێردراوە.

* بەشداربووە لەچەندین کۆڕو کۆبوبونەوەی سیاسی و خول و وۆرکشۆپی تایبەت بە کارگێری و کاروباری پەرلەمانی لەدەرەوەی وڵات.

* لەساڵی 2023 وەک سەرۆکی هاوپەیمانی "کەرکوک هێزو ئیرادەمانە"، بەشداری هەڵبژاردنی کرد و بوو بەئەندامی ئەنجومەنی پارێزگای کەرکوک.

لەهەڵبژاردنی ئەنجومەنی پارێزگای کەرکوک رێبوار تەها 29 هەزارو 861 دەنگی بەدەستهێنابوو​​​​​​.

* زمانی کوردی، عەرەبی، ئینگلیزی بەباشی دەزانێ.